ٹرمپ ایران کے نئے سپریم لیڈر کے انتخاب پر ناخوش

امریکی صدر ڈونلڈٹرمپ ایران کے نئے سپریم لیڈر مجتبیٰ خامنہ ای کے انتخاب سے خوش نہیں۔ امریکی نشریاتی ادارے فوکس نیوز کے مطابق مجتبیٰ خامنہ ای کے اعلان کے بعد صدرٹرمپ سے رابطہ کیاگیا توانہوں نے کہاکہ وہ خوش نہیں ہیں۔ امریکی ادارے نے صدرٹرمپ سے گفتگوکی مزید تفصیلات سے آگاہ نہیں کیا۔ادھر ایک اسرائیل اخبار کے مطابق امریکی صدر ڈونلڈ ٹرمپ نے ایک تازہ انٹرویو میں مجبتیٰ خامنہ ای کی نامزدگی پر تبصرے سے گریز کیا۔ اسرائیلی اخبار کے مطابق ٹرمپ نے کہا کہ دیکھیں گے کیا ہوتا ہے، جنگ ختم کرنےکا فیصلہ وہ نیتن یاہو کے ساتھ اتفاق رائے سے کریں گے، ان کی نیتن یاہو سے بات ہوئی ہے، فیصلہ درست وقت پر کریں گے۔دوسری جانب ٹرمپ کے قریبی ساتھی سینیٹر لنزے گراہم نے مجتبیٰ خامنہ ای کو دھمکی دی اور کہا ان کا انجام بھی وہی ہوگا جو ان کے والد کا ہوا۔