ٹرمپ کی ایران کو نئی دھمکی، رائفل تھامے تصویر کیساتھ ’نو مور نائس گائے‘ کا پیغام

واشنگٹن: امریکی صدر ڈونلڈ ٹرمپ نے ایران کے ساتھ جاری سفارتی و عسکری کشیدگی کے درمیان سوشل میڈیا پلیٹ فارم ‘ٹرتھ سوشل’ (Truth Social) پر اپنی ایک مصنوعی ذہانت (AI) سے تیار کردہ تصویر شیئر کرتے ہوئے تہران کو ایک بار پھر سخت نتائج کی وارننگ دی ہے۔

شیئر کی گئی تصویر میں صدر ٹرمپ کو ہینڈ گن/رائفل تھامے اور سیاہ سوٹ میں ملبوس دکھایا گیا ہے، جبکہ پس منظر میں پہاڑی و صحرائی علاقے میں دھماکے اور دھوئیں کے بادل بلند ہوتے دکھائی دے رہے ہیں۔ تصویر پر بڑے حروف میں “NO MORE MR. NICE GUY!” (اب مزید نرم رویہ نہیں!) کا متن درج ہے۔

پوسٹ کے ساتھ جاری کردہ اپنے بیان میں صدر ٹرمپ نے ایرانی قیادت پر تنقید کرتے ہوئے لکھا کہ “ایران معاملا ت کو درست سمت میں لانے میں ناکام رہا ہے اور انہیں غیر ایٹمی معاہدے پر دستخط کرنے کا طریقہ معلوم نہیں ہے۔” امریکی صدر نے مزید خبردار کیا کہ ایران کو جلد از جلد عقلمندی کا مظاہرہ کرنا ہو گا، ورنہ اسے مزید شدید معاشی و سیاسی دباؤ کا سامنا کرنا پڑے گا۔