ٹیرف پالیسی کے ذریعے پاک بھارت نیوکلیئر جنگ سمیت کئی جنگیں رکوائیں: ڈونلڈ ٹرمپ
Web Desk
25 February 2026
امریکی صدر ڈونلڈ ٹرمپ نے اپنے دوسرے صدارتی دور کے پہلے ‘اسٹیٹ آف دی یونین’ خطاب میں اپنی حکومت کی کامیابیوں کا نقشہ پیش کرتے ہوئے دعویٰ کیا ہے کہ انہوں نے اپنی سخت ٹیرف پالیسی کے ذریعے پاکستان اور بھارت کے درمیان ممکنہ ایٹمی جنگ سمیت دنیا کی 8 بڑی جنگیں رکوائیں۔ صدر ٹرمپ کا کہنا تھا کہ پاکستان اور بھارت نیوکلیئر تصادم کے انتہائی قریب پہنچ چکے تھے، تاہم ان کی مداخلت سے ساڑھے تین کروڑ جانیں بچائی گئیں۔ انہوں نے معیشت پر بات کرتے ہوئے بتایا کہ بائیڈن دور کی بدترین مہنگائی اب کم ہو کر 1.7 فیصد تک آ چکی ہے، اسٹاک مارکیٹ ریکارڈ سطح پر ہے اور گیس کی قیمتوں میں نمایاں کمی ہوئی ہے۔
خطاب کے دوران صدر ٹرمپ نے نئے عالمی تجارتی ٹیرف کے نفاذ کا اعلان کیا اور سپریم کورٹ کے اس فیصلے کو ‘افسوسناک’ قرار دیا جس میں ان کے تجارتی اختیارات پر سوال اٹھایا گیا تھا۔ سرحدوں کے حوالے سے انہوں نے دعویٰ کیا کہ گزشتہ 9 ماہ میں کوئی غیر قانونی تارکین وطن ملک میں داخل نہیں ہو سکا اور حکومت قانونی امیگریشن کے تحفظ کے لیے پرعزم ہے۔ ایران کے حوالے سے ان کا کہنا تھا کہ انہوں نے ایران کا نیوکلیئر پروگرام تباہ کر دیا ہے لیکن وہ اب بھی اس مسئلے کا سفارتی حل چاہتے ہیں۔
تقریب کے دوران ایوان میں اس وقت تلخی دیکھی گئی جب ڈیموکریٹ رکن کانگریس ال گرین کو صدر کے خلاف احتجاجی پلے کارڈ لہرانے پر سکیورٹی اہلکاروں نے ایوان سے باہر نکال دیا۔ صدر ٹرمپ نے اپنے خطاب کا اختتام ان الفاظ پر کیا کہ “امریکا واپس آ چکا ہے” اور یہ ملک کی تاریخ کا “سنہری دور” ہے۔
متعلقہ عنوانات
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار
22 November 2026
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026