ڈیزل سے بھرا پاکستانی جہاز آبنائے ہرمز سے داخل ہوکر واپس لوٹ گیا

کراچی: ڈیزل سے لدا پاکستانی جہاز آبنائے ہرمز میں داخل ہونے کے بعد واپس لوٹ گیا۔

شپنگ ذرائع کے مطابق ایرانی جانب سے آبنائے ہرمز کی بندش کے باعث جہاز نے اپنا رخ تبدیل کیا۔ ذرائع کا کہنا ہے کہ پاکستانی جہاز کو جلد دوبارہ راستہ فراہم کیے جانے کا امکان ہے۔

بتایا گیا ہے کہ “خیرپور” نامی جہاز کویت سے کروڑوں لیٹر ڈیزل لے کر کراچی آ رہا تھا۔

یاد رہے کہ گزشتہ روز پاکستانی پرچم بردار ایک آئل ٹینکر نے آبنائے ہرمز عبور کی تھی، جو امریکی ناکہ بندی کے بعد خام مال کے ساتھ اس راستے سے گزرنے والا پہلا جہاز تھا۔

تاہم آج امریکی جانب سے ایرانی بندرگاہوں کی ناکہ بندی برقرار رہنے پر ایران نے ایک بار پھر آبنائے ہرمز کو بند کر دیا ہے۔