اچھے مذاکرات چل رہے ہیں، ایران آبنائے ہرمز کےذریعے بلیک ملیک نہیں کرسکتا، ٹرمپ

امریکی صدر ڈونلڈ ٹرمپ نےکہا ہےکہ ایران  کے ساتھ بہت اچھے مذاکرات چل رہے ہیں۔ ایران  آبنائے ہرمز دوبارہ بند کرنا  چاہتا ہے لیکن وہ امریکا کو  بلیک میل نہیں کرسکتا۔

اوول آفس میں میڈیا سےگفتگو ہوئے ٹرمپ کا کہنا تھا کہ اسپین کی حالت دیکھ کر افسوس ہوتا ہے، اسپین کی معیشت کمزور ہوچکی ہے وہ نیٹو میں بھی حصہ نہیں ڈالتے، اسپین اپنے دفاع پر جی ڈی پی کا 5 فیصد خرچ کرنے میں ناکام رہا، امریکا کو اپنی کارروائیوں کے لیے کسی کی اجازت کی ضرورت نہیں، ہمیں ان کی اجازت کی ضرورت نہیں اگر ہم چاہیں تو ہم ان کے اڈوں کو استعمال کرسکتے ہیں، اسپین کے پاس ایسا کچھ نہیں جس کی ہمیں ضرورت ہو۔

ٹرمپ کا کہنا تھا کہ طبی شعبے میں اصلاحات لارہے ہیں،  ادویات کی قیمتوں میں 50 سے 80 فیصد تک کمی ہوئی ہے،  امریکا میں منشیات کی اسمگلنگ میں کمی آئی ہے۔