’60 فیصد سے زائد امریکی عوام ایران امریکا امن معاہدے کے حامی ہیں’، ٹرمپ نے سروے نتائج شیئر کردیے

امریکی صدر ڈونلڈ ٹرمپ نے اپنے سوشل میڈیا پلیٹ فارم ‘ٹروتھ سوشل’ پر ایک نیا سروے شیئر کیا ہے، جس کے مطابق امریکی عوام کی واضح اکثریت ایران کے ساتھ جاری جنگ کے خاتمے اور مفاہمتی معاہدے کی حمایت کرتی ہے۔ سروے کے نتائج کے مطابق 60 فیصد سے زائد رجسٹرڈ ووٹرز نے ایران کے ساتھ امن معاہدے کی تائید کی ہے جبکہ صرف 23 فیصد افراد نے اس کی مخالفت کی۔ سروے کے تفصیلی سوالنامے میں بتایا گیا کہ ٹرمپ انتظامیہ کی جانب سے طے پانے والی مجوزہ “مفاہمتی یادداشت” کے تحت آبنائے ہرمز کو دوبارہ کھول دیا جائے گا، جبکہ ایران پر سے اقتصادی پابندیاں ہٹانے اور اس کے ایٹمی پروگرام سے متعلق معاشی اور سفارتی بات چیت کے لیے دو ماہ کی مہلت طے کی گئی ہے۔ معاہدے کے بنیادی نکات میں یہ بات بھی شامل ہے کہ ایران ایٹمی ہتھیار تیار یا حاصل نہیں کرے گا۔