مڈ ٹرم انتخابات میں کامیابی پر تمام امریکی شہریوں کو 5,000 ڈالر دینے کا اعلان

ڈلاس: صدر ڈونلڈ ٹرمپ نے اعلانیہ وعدہ کیا ہے کہ اگر ریپبلکن پارٹی آئندہ مڈ ٹرم انتخابات میں امریکی سینیٹ اور ایوانِ نمائندگان (ہاؤس آف ریپریزنٹیٹوز) دونوں کا کنٹرول برقرار رکھنے میں کامیاب ہو جاتی ہے، تو وہ ہر بالغ امریکی شہری کو 5,000 ڈالر کا “ڈیویڈنڈ” (منافع/وظیفہ) دیں گے۔

ڈلاس میں منعقدہ ریپبلکن مڈ ٹرم کنونشن کے شرکاء سے خطاب کرتے ہوئے صدر ٹرمپ نے کہا: “اگر ریپبلکنز جیتے تو آپ ہمارے ساتھ جیتیں گے اور آپ کو 5,000 ڈالر ملیں گے۔ اسے ‘ٹرمپ ڈیویڈنڈ’ کا نام دیا جائے گا۔

ڈوج ڈیویڈنڈ (DOGE Dividend): گزشتہ سال سرکاری اخراجات میں کمی کی کوششوں کے دوران ایلون مسک نے 5,000 ڈالر کے “ڈوج ڈیویڈنڈ” کی تجویز دی تھی، جسے ٹرمپ نے پسند تو کیا تھا تاہم اس پر عملدرآمد نہ ہو سکا۔

ٹیرف ڈیویڈنڈ: نومبر 2025 میں اپنی ایک ‘ٹروتھ سوشل’ پوسٹ میں ٹرمپ نے دعویٰ کیا تھا کہ ان کے عائد کردہ ٹیرف سے اربوں ڈالر آ رہے ہیں اور اعلیٰ آمدنی والے افراد کے علاوہ ہر شہری کو کم از کم 2,000 ڈالر ادا کیے جائیں گے۔

وارئیر ڈیویڈنڈ: سال 2026 کے اوائل میں 10 لاکھ سے زائد امریکی فوجی اہلکاروں کو 1,776 ڈالر کا “وارئیر ڈیویڈنڈ” بالافعل ادا کیا جا چکا ہے۔