صدر ٹرمپ پیر کو اوول آفس میں فوجی حکام کے ساتھ میڈیا سے گفتگو کریں گے، اہم فیصلے متوقع

وائٹ ہاؤس کے ترجمان کے مطابق امریکی صدر ڈونلڈ ٹرمپ پیر کو ایک اہم پریس کانفرنس سے خطاب کریں گے، جس میں ایران سے جاری کشیدگی کے معاملے پر تفصیلی گفتگو متوقع ہے۔

ترجمان کے مطابق صدر امریکی وقت کے مطابق دوپہر ایک بجے جبکہ پاکستانی وقت کے مطابق رات دس بجے میڈیا سے گفتگو کریں گے۔ یہ پریس کانفرنس وائٹ ہاؤس کے بریفنگ روم میں منعقد ہوگی، جہاں اعلیٰ فوجی قیادت بھی صدر کے ہمراہ موجود ہوگی۔

وائٹ ہاؤس کا کہنا ہے کہ یہ پریس کانفرنس امریکی میڈیا کے مسلسل اصرار پر رکھی گئی ہے، جس کے دوران صدر ٹرمپ ایران سے متعلق موجودہ صورتحال اور ممکنہ اقدامات پر صحافیوں کے سوالات کے جواب دیں گے۔

سیاسی اور سفارتی حلقوں میں اس پریس کانفرنس کو غیر معمولی اہمیت دی جا رہی ہے، جہاں خطے میں بڑھتی کشیدگی کے پیش نظر اہم اعلانات کا امکان ظاہر کیا جا رہا ہے۔