امریکا میں مڈم ٹرم انتخابات کے بعد ایران سے جنگ ختم ہوجائے گی: صدر ٹرمپ

امریکی صدر ڈونلڈ ٹرمپ نے دعویٰ کیا ہے کہ مڈ ٹرم (مؤخر الذکر/وسط المدتی) انتخابات کے فوراً بعد ایران کے ساتھ جاری جنگ ختم ہو جائے گی اور تیل و پیٹرولیم مصنوعات کی عالمی قیمتوں میں شدید کمی دیکھنے کو ملے گی۔ ڈلاس روانگی سے قبل میڈیا نمائندگان سے گفتگو کرتے ہوئے صدر ٹرمپ نے کہا کہ واشنگٹن فی الوقت تہران کے ساتھ کسی نئے معاہدے کا خواہاں نہیں ہے، تاہم سیاسی مذاکرات کا امکان بہرحال موجود ہے۔ انہوں نے زور دے کر کہا کہ امریکہ کسی بھی قیمت پر ایران کو جوہری ہتھیار حاصل کرنے کی اجازت نہیں دے گا۔

اپنے سخت موقف کا اعادہ کرتے ہوئے صدر ٹرمپ نے دعویٰ کیا کہ عالمی تجارتی گزرگاہ آبنائے ہرمز پر امریکہ کو مکمل کنٹرول حاصل ہے، جبکہ امریکی فورسز نے کارروائی کرتے ہوئے ایرانی بحریہ کے 9 جنگی جہازوں کو بھی تباہ کر دیا ہے۔ انہوں نے مزید کہا کہ ایران کے اقتصادی و عسکری محاصرے کے مثبت نتائج سامنے آ رہے ہیں۔ عالمی سفارت کاری پر بات کرتے ہوئے امریکی صدر نے انکشاف کیا کہ ان کی روسی صدر ولادیمیر پیوٹن کے ساتھ انتہائی مفید گفتگو ہوئی ہے اور وہ یوکرین جنگ کے خاتمے کے لیے جلد ایک معاشی و سیاسی معاہدہ چاہتے ہیں، جس کے پیشِ نظر دونوں رہنماؤں کے درمیان جلد اعلیٰ سطحی ملاقات کا بھی امکان ہے۔ اس کے علاوہ انہوں نے اسرائیلی اقدام پر تشویش کا اظہار کرتے ہوئے مغربی کنارے پر عائد پابندیوں کے معاملے پر اسرائیلی قیادت سے جلد رابطہ کرنے کا بھی اعادہ ک