پاکستان افغانستان کے ساتھ ٹھیک کررہا ہے ، مداخلت نہیں کروں گا: صدر ٹرمپ

واشنگٹن: امریکا کے صدر ٹرمپ نے کہا ہے کہ پاکستان افغانستان کے معاملے میں مثبت کردار ادا کر رہا ہے اور وہ اس حوالے سے کسی قسم کی مداخلت نہیں کریں گے۔

پاک افغان صورتحال سے متعلق سوال پر صدر ٹرمپ نے کہا کہ وہ پاکستان کے وزیراعظم اور فیلڈ مارشل کی عزت کرتے ہیں اور پاکستان کی قیادت کو قدر کی نگاہ سے دیکھتے ہیں۔

ان کا کہنا تھا کہ پاکستان کے پاس عظیم وزیراعظم اور جنرل موجود ہیں اور قیادت مؤثر انداز میں فیصلے کر رہی ہے، اس لیے امریکا مداخلت کا ارادہ نہیں رکھتا۔

ایران کے حوالے سے گفتگو کرتے ہوئے امریکی صدر نے کہا کہ ایران ایٹمی ہتھیار حاصل نہیں کر سکتا۔ انہوں نے کہا کہ وہ ایران سے مطمئن نہیں تاہم جمعے تک مزید مذاکرات متوقع ہیں اور وہ ایران کے ساتھ معاہدہ کرنا چاہتے ہیں۔

صدر ٹرمپ نے کہا کہ وہ ایران کے خلاف طاقت کا استعمال نہیں کرنا چاہتے، لیکن بعض اوقات حالات ایسے ہو جاتے ہیں کہ طاقت استعمال کرنا پڑتی ہے۔