تیل کی قیمتیں جلد گمان سے بھی بہت کم ہوجائیں گی، امریکی صدر

امریکی صدر ڈونلڈ ٹرمپ نے کہا ہے کہ تیل کی قیمتیں جلد ہی بہت کم ہوں گی اور اس قدر کمی کا کسی کو گمان بھی نہیں ہو گا۔

کینٹکی میں خطاب کرتے ہوئے صدر ٹرمپ نے کہا کہ 32 ممالک کی جانب سے تیل کے ذخائر جاری کرنے کے فیصلے سے قیمتوں میں نمایاں کمی آئے گی۔

اس سے قبل انہوں نے تیل کی قیمتوں میں اتار چڑھاؤ کو جنگ کا معاملہ قرار دیا۔ان کا کہنا تھا کہ قیمتیں بہت نمایاں طور پر نیچے آ رہی ہیں۔ تیل نیچے آئے گا۔ یہ صرف جنگ کا معاملہ ہے جو ہوتا ہے۔

صدر ٹرمپ نے مزید کہا کہ امریکا آبنائے ہرمز پر بہت گہری نظر رکھے گا۔آبنائے بہترین حالت میں ہے۔ ہم نے دشمن کی تمام کشتیاں تباہ کر دی ہیں۔ ان کے پاس کچھ میزائل ہیں، لیکن تعداد میں زیادہ نہیں۔