ایران کے خلاف کشیدگی بڑھائی تو اسرائیل خود کو تنہا پائے گا: ٹرمپ کا نیتن یاہو کو پیغام

امریکی صدر ڈونلڈ ٹرمپ نے کہا ہے کہ انہوں نے اسرائیلی وزیراعظم بنیامین نیتن یاہو کو واضح طور پر خبردار کیا تھا کہ ایران کے خلاف کشیدگی میں اضافہ کیا گیا تو اسرائیل تنہا رہ سکتا ہے۔

امریکی میڈیا کے مطابق ٹرمپ نے ایک انٹرویو میں دعویٰ کیا کہ اسرائیل نے ایران پر ہونے والے حالیہ حملوں سے متعلق امریکا کو آخری لمحات میں آگاہ کیا۔

ٹرمپ کے مطابق انہوں نے نیتن یاہو سے ٹیلیفونک گفتگو میں کہا تھا کہ ایران کے بیلسٹک میزائل حملوں کے جواب میں فوری ردعمل نہ دیا جائے۔

انہوں نے کہا کہ خطے میں کشیدگی کم کرنے اور سفارتی کوششوں کو آگے بڑھانے کے لیے وہ مسلسل رابطے میں رہے۔

ٹرمپ کے مطابق بعض علاقائی ممالک نے بھی ان سے درخواست کی کہ وہ فریقین کے درمیان کشیدگی کم کروانے میں کردار ادا کریں۔