LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

ٹرمپ کی زہران ممدانی سے وائٹ ہاؤس میں ملاقات، نیویارک میئر کو ہر ممکن تعاون کی یقین دہانی

Web Desk

22 November 2025

نیویارک کے نو منتخب میئر زہران ممدانی نے وائٹ ہاؤس میں امریکی صدر ڈونلڈ ٹرمپ سے ملاقات کی، جس میں دونوں شخصیات نے باہمی دلچسپی کے امور اور نیویارک کی صورتحال پر گفتگو کی۔ صدر ٹرمپ نے واضح کیا کہ وہ ظہران ممدانی کو ہر ممکن مدد فراہم کریں گے تاکہ وہ شہر کے معاملات مزید بہتر انداز میں چلا سکیں۔

ٹرمپ نے کہا کہ “زہران جتنا بہتر نیویارک کو چلائیں گے، مجھے اتنی ہی خوشی ہوگی”، ساتھ ہی یہ بھی امید ظاہر کی کہ نئے میئر اپنے طرزِ قیادت سے کئی قدامت پسندوں کو حیران کر دیں گے۔ انہوں نے بتایا کہ ملاقات میں اسرائیلی وزیر اعظم نیتن یاہو کی گرفتاری سے متعلق کوئی بات نہیں ہوئی۔

غزہ کی صورتحال پر گفتگو کرتے ہوئے صدر ٹرمپ نے کہا کہ وہ مستقل امن کے لیے حماس کی غیر مسلح کاری پر زور دے رہے ہیں۔ یوکرین سے متعلق سوال پر ان کا کہنا تھا کہ صدر زیلنسکی کو امریکا کی حمایت یافتہ امن منصوبے کی منظوری دینی ہوگی۔

ملاقات کے دوران صحافی نے زہران ممدانی سے ایک اہم سوال کیا کہ وہ صدر ٹرمپ کے امن اقدامات کے باوجود امریکی حکومت پر غزہ میں نسل کشی کا الزام کیوں لگاتے رہے؟ میئر کے جواب دینے سے پہلے ہی ٹرمپ بول پڑے اور کہا کہ انہیں برا نہیں لگا کہ ممدانی نے انہیں فاشسٹ کہا تھا۔ ٹرمپ نے مسکراتے ہوئے کہا کہ “ٹھیک ہے، آپ کہہ سکتے ہیں، مجھے اعتراض نہیں۔”

بعد ازاں زہران ممدانی نے بتایا کہ انہوں نے صدر ٹرمپ کے ساتھ ملاقات میں اسرائیلی کارروائیوں، غزہ میں انسانی بحران اور امریکی فنڈنگ کے کردار پر گفتگو کی۔ میئر نے کہا کہ انہوں نے صدر کو واضح کیا کہ نیویارک کے شہری چاہتے ہیں کہ ان کے ٹیکس کی رقم انہی کے شہر کے عوام کی فلاح پر خرچ ہو۔ ان کا کہنا تھا کہ وہ نیویارک کے شہریوں سے کیے گئے وعدے پورے کرنا چاہتے ہیں۔

واضح رہے کہ صدر ٹرمپ نے اس ملاقات کو “انتہائی مؤثر” قرار دیتے ہوئے ایک بار پھر یقین دہانی کرائی کہ وہ نئے میئر ظہران ممدانی کی بھرپور مدد کریں گے تاکہ وہ عوامی توقعات پر پورا اتر سکیں۔