سعودیہ سے جوہری معاہدہ ابراہم اکارڈ میں شمولیت سے مشروط ہے: ٹرمپ

امریکی صدر ڈونلڈ ٹرمپ نے واضح کیا ہے کہ سعودی عرب کے ساتھ مجوزہ سول جوہری معاہدے کی حتمی منظوری سعودی عرب کے معاہدہ ابراہیمی (Abraham Accords) میں شامل ہونے سے مشروط ہوگی، جبکہ ریاض کو یورینیئم افزودگی کی اجازت نہیں دی جائے گی۔ سوشل میڈیا پر جاری اپنے بیان میں ڈونلڈ ٹرمپ نے کہا کہ امریکا اور سعودی عرب کے درمیان جوہری تعاون صرف پرامن اور غیر فوجی مقاصد کے لیے ہو گا اور امریکا اس طرح کے سول پروگراموں کی مخالفت نہیں کرتا۔ ایک الگ بیان میں امریکی صدر نے حوثیوں اور ایران کو شدید نتائج کی دھمکی دیتے ہوئے کہا کہ اگر حوثیوں کی جانب سے دوبارہ بحری جہازوں پر حملے کیے گئے تو امریکا اس کا براہِ راست ذمہ دار ایران کو ٹھہرائے گا اور تہران کو اس کی سخت سزا بھگتنا ہوگی۔