امریکی صدر ٹرمپ کا ایران امریکا جنگ کو ’الوداع‘ کا اشارہ، اے آئی تصویر اور پوسٹ نے نئی بحث چھیڑ دی

امریکا کے صدر ڈونلڈ ٹرمپ نے سوشل میڈیا پلیٹ فارم “ٹروتھ سوشل” پر ایک اے آئی سے تیار کردہ تصویر شیئر کی ہے جس میں ایک ایرانی بحریہ کے جہاز کو امریکی ڈرون کے ذریعے تباہ ہوتے ہوئے دکھایا گیا ہے۔

اس تصویر کے ساتھ انہوں نے “اڈیوس” کا لفظ لکھا، جس کے معنی الوداع یا بائے بائے لیے جاتے ہیں، جس کے بعد سیاسی اور سفارتی حلقوں میں یہ بحث شروع ہو گئی ہے کہ کیا یہ ایران اور امریکا کے درمیان کشیدگی یا جنگ کے خاتمے کا اشارہ ہے۔

یہ پیش رفت ایسے وقت میں سامنے آئی ہے جب ایک روز قبل صدر ٹرمپ نے اعلان کیا تھا کہ امن کے لیے ایک مفاہمتی یادداشت طے پا گئی ہے۔

مزید یہ بھی کہا گیا کہ صدر ٹرمپ نے گزشتہ روز اس اہم پیش رفت کی تصدیق کی تھی کہ آبنائے ہرمز کو مکمل طور پر دوبارہ کھول دیا جائے گا، جو عالمی تجارت کے لیے انتہائی اہم سمندری راستہ ہے۔

اگرچہ اس پوسٹ کی باضابطہ وضاحت سامنے نہیں آئی، تاہم سوشل میڈیا پر اسے ایران امریکا کشیدگی کے خاتمے یا “جنگ کو الوداع” دینے کے طور پر دیکھا جا رہا ہے۔