ہم ایران میں مظاہرین کی مدد کے لیے تیار ہیں ، صدر ٹرمپ کا سوشل میڈیا پر پیغام

امریکی صدر ڈونلڈ ٹرمپ نے کہا ہے کہ ایران نے ایک نیا دور دیکھا ہے، جس میں آزادی کی خواہش پہلے کبھی اتنی واضح نہیں تھی۔

صدر ٹرمپ نے سوشل میڈیا پر پیغام جاری کرتے ہوئے کہا کہ امریکا ایرانی مظاہرین کی مدد کے لیے تیار ہے، تاہم انہوں نے واضح کیا کہ اس کا مطلب ملک میں فوجی کارروائی نہیں ہے۔

ٹرمپ نے مزید کہا کہ ایران کے کچھ شہر حکومت کے مکمل کنٹرول سے باہر ہیں اور ایرانی عوام برسوں تک سخت سلوک برداشت کرنے کے بعد اب اپنے حق کے لیے اٹھ کھڑے ہوئے ہیں۔

ایران میں مظاہرے اب 13 ویں روز میں داخل ہو چکے ہیں، جن میں اب تک 15 سکیورٹی اہلکار اور دیگر افراد شامل کرکے 65 ہلاکتیں ہو چکی ہیں۔ ایرانی ذرائع کے مطابق تہران کے قریب قصبے سے 100 مسلح افراد گرفتار کیے گئے جبکہ مجموعی طور پر 2,500 سے زائد افراد حراست میں ہیں۔ ملک کے کئی علاقوں میں انٹرنیٹ سروس مسلسل تیسرے روز بند ہے۔