ٹرمپ نے ایران پر حملے منسوخ کرنے کا اعلان کردیا

امریکی صدر ڈونلڈ ٹرمپ نے اعلان کیا ہے کہ ایران کے ساتھ اعلیٰ سطحی مذاکرات میں پیش رفت کے بعد ایران کے خلاف طے شدہ امریکی حملے اور بمباری منسوخ کر دی گئی ہے۔

صدر ٹرمپ کے مطابق ایران کے ساتھ ہونے والی بات چیت کو ایرانی قیادت کی اعلیٰ ترین سطح تک پہنچایا گیا اور اس کی منظوری بھی حاصل کر لی گئی۔ انہوں نے کہا کہ مذاکرات کے اہم نکات اور مجوزہ معاہدے کی تفصیلات تمام متعلقہ فریقوں کی منظوری سے طے پائی ہیں۔

ٹرمپ نے بتایا کہ اس عمل میں امریکہ، اسرائیل، سعودی عرب، متحدہ عرب امارات، قطر، ترکی، پاکستان، بحرین، کویت، اردن اور مصر سمیت متعدد ممالک شریک رہے۔

امریکی صدر کا کہنا تھا کہ معاہدے کو حتمی شکل دیے جانے تک ایران کے خلاف بحری ناکہ بندی برقرار رکھی جائے گی۔ انہوں نے مزید کہا کہ معاہدے پر دستخط کی تقریب کے وقت اور مقام کا اعلان جلد کیا جائے گا۔