گرین لینڈ پر امریکا کا مکمل کنٹرول ہونا چاہیے ، ایران احتجاج پر گہری نظر ہے، ٹرمپ

امریکی صدر ڈونلڈ ٹرمپ نے گرین لینڈ، وینزویلا اور ایران سے متعلق اہم بیان دیا۔ انہوں نے کہا کہ امریکا کو گرین لینڈ کا مالک ہونا چاہیے تاکہ روس یا چین قبضہ نہ کر سکیں۔ صدر نے واضح کیا کہ ڈنمارک کے ساتھ مذاکرات جاری ہیں اور گرین لینڈ کے مالی معاملات بعد میں طے ہوں گے۔

ٹرمپ نے کہا کہ امریکا اور وینزویلا کے پاس دنیا کے 55 فیصد تیل کے ذخائر موجود ہیں۔ وینزویلا کی تیل صنعت کی دوبارہ تعمیر اور 5 کروڑ بیرل تیل کی فوری ریفائننگ و فروخت شروع کی جائے گی، اور سرمایہ کاری کرنے والی کمپنیوں کو حفاظتی ضمانتیں دی جائیں گی۔

صدر نے پاک بھارت تنازعات کے حوالے سے بھی کہا کہ وہ 8 جنگوں کو روکنے میں کامیاب ہوئے اور پاکستانی وزیراعظم نے اس سے لاکھوں جانیں بچائیں۔

صدر ٹرمپ کا کہنا تھا ایران میں مظاہرین کے قتل کی صورت میں امریکا فوری جواب دے گا، تاہم انہوں نے واضح کیا کہ ان کا مطلب فوجی مداخلت نہیں ہے۔ ایرانی حکومت برسوں عوام کے ساتھ برا سلوک کرتی رہی ہے اور موجودہ مظاہرے اس کا جواب ہیں، امریکا صورتحال پر گہری نظر رکھے ہوئے ہے۔