ایران کوئی بے معنی معاہدہ کر بھی لے تو مجھے کوئی پرواہ نہیں: ٹرمپ

امریکی صدر ڈونلڈ ٹرمپ نے سوشل میڈیا پلیٹ فارم ‘ٹروتھ سوشل’ پر جاری اپنے بیان میں واضح کیا ہے کہ وہ ایران کو مذاکرات کی میز پر لانے کے لیے کوئی دباؤ نہیں ڈال رہے اور اگر ایران کوئی بے وقعت یا بے معنی معاہدہ کر بھی لے تو انہیں اس کی کوئی پرواہ نہیں ہے۔ صدر ٹرمپ نے موجودہ صورتحال پر اطمینان کا اظہار کرتے ہوئے دعویٰ کیا کہ آبنائے ہرمز پر امریکا کا تقریباً مکمل کنٹرول ہے جبکہ ایرانی معیشت تباہی کے دہانے پر پہنچ چکی ہے۔ انہوں نے مزید کہا کہ ایران صرف اپنے ناگزیر انجام کو مؤخر کرنے کی کوشش کر رہا ہے اور ساتھ ہی سوال اٹھایا کہ ایرانی عوام آخر کب اپنی حکومت کے خلاف کھڑے ہوں گے اور لڑیں گے؟