ٹرمپ کا ایران کی توانائی تنصیبات پر حملے مزید 10 روز مؤخر کرنے کا اعلان

امریکا کے صدر ٹرمپ نے ایران کی توانائی تنصیبات پر ممکنہ حملے مزید 10 روز کے لیے مؤخر کرنے کا اعلان کردیا ہے۔

صدر ٹرمپ نے سماجی رابطے کی ویب سائٹ پر جاری بیان میں کہا کہ وہ 6 اپریل 2026 تک ایران کی توانائی تنصیبات کو نشانہ بنانے سے گریز کریں گے۔ انہوں نے کہا کہ یہ فیصلہ ایران حکومت کی درخواست پر کیا گیا ہے۔

اس سے قبل صدر ٹرمپ کی جانب سے ان تنصیبات پر حملے 5 روز کے لیے روکنے کا اعلان کیا گیا تھا، جس کی مدت جمعہ کو ختم ہونا تھی۔

صدر ٹرمپ کا کہنا تھا کہ ایران کے ساتھ بات چیت جاری ہے اور بعض میڈیا رپورٹس کے برعکس مذاکرات مثبت انداز میں آگے بڑھ رہے ہیں۔