“اس سے پہلے کہ دیر ہوجائے”، ڈونلڈ ٹرمپ نے کیوبا کو تجارتی معاہدے کی وارننگ دے دی

امریکی صدر ڈونلڈ ٹرمپ نے کیوبا کو تجارتی معاہدہ کرنے کی وارننگ دی ہے اور کہا ہے کہ اگر کیوبا نے جلد اقدام نہ کیا تو اسے مزید پیسہ یا تیل نہیں ملے گا۔

ٹرمپ نے سوشل میڈیا پر کہا کہ وینزویلا اب امریکا کے تحفظ میں ہے، اور کیوبا کئی برسوں تک وینزویلا سے حاصل ہونے والے تیل اور پیسے پر گزارا کرتا رہا، لیکن اب یہ سلسلہ ختم ہو چکا ہے۔

صدر ٹرمپ نے کہا کہ کیوبا کو ابھی معاہدہ کر لینا چاہیے، اس سے پہلے کہ دیر ہوجائے۔ انہوں نے مزید کہا کہ امریکا دنیا کی سب سے طاقتور فوج کے ساتھ وینزویلا کی حفاظت یقینی بنائے گا۔

قبل ازیں، ٹرمپ نے سوشل میڈیا پر مارکو روبیو کے کیوبا کے آئندہ صدر ہونے کی پوسٹ کو ری پوسٹ کرتے ہوئے تبصرہ کیا، “مجھے اچھا لگا”، جس سے کیوبا میں ممکنہ سیاسی تبدیلی کی طرف اشارہ ملتا ہے۔