امریکا نے وینزویلا کے 65 ارب بیرل سے زائد تیل ذخائر پر کنٹرول حاصل کرلیا، ٹرمپ

امریکی صدر ڈونلڈ ٹرمپ نے دعویٰ کیا ہے کہ وینزویلا کے ساتھ طے پانے والے ایک تاریخی معاہدے کے تحت امریکا نے 65 ارب بیرل سے زائد ثابت شدہ تیل کے ذخائر پر اکثریتی کنٹرول حاصل کر لیا ہے۔ سوشل میڈیا پلیٹ فارم ‘ٹروتھ سوشل’ پر جاری اپنے بیان میں ٹرمپ نے اسے دنیا کی تاریخ کا سب سے بڑا تیل کا معاہدہ قرار دیتے ہوئے بتایا کہ ان کی ہدایت پر امریکی وزیر خارجہ مارکو روبیو اور وزیر جنگ پیٹ ہیگسیتھ نے وینزویلا کی عبوری صدر ڈیلسی روڈریگیز کے ساتھ مل کر نجی شعبے کی شراکت سے یہ پیش رفت ممکن بنائی ہے۔ صدر ٹرمپ نے کہا کہ اس معاہدے سے امریکا کے تیل کے ذخائر دوگنا سے بھی زیادہ ہو جائیں گے جس سے پیٹرول کی قیمتوں میں نمایاں کمی آئے گی، جبکہ یہ اقدام وینزویلا کی خوشحالی اور دوطرفہ تعلقات کی مضبوطی میں بھی اہم کردار ادا کرے گا۔