ٹرمپ نے جنگ بندی میں توسیع صرف3سے 5روزکےلیے کی، جلد ڈیل چاہتےہیں، امریکی میڈیا

امریکی میڈیانے دعویٰ کیاہے کہ صدرڈونلڈٹرمپ نے ایران کے ساتھ جنگ بندی میں توسیع غیرمعینہ مدت کےلیے نہیں بلکہ صرف تین سے پانچ روزکے لیے کی ہے۔

امریکی میڈیا نے وائٹ ہاؤس حکام کے حوالے سےکہاہےکہ صدر ٹرمپ کا ایران کو تجویز پیش کرنے کے لیے محدود وقت دینے کا منصوبہ ہے۔ٹرمپ ڈیل کو جلد سے جلد فائنل کرنا چاہتےہیں۔امریکی صدرسمجھتے ہیں کہ ڈیڈ لائن کا دباؤ ایران کو مذاکرات کی میز پر لانے پر مجبور کرے گا۔

امریکی میڈیا کے مطابق امریکی انتظامیہ جنگ بندی کو غیر معینہ مدت تک بڑھانے کے حق میں نہیں، امریکا ایران کو مذاکرات میں مزید تاخیر کا موقع نہیں دینا چاہتا۔

امریکی میڈیا کا کہنا ہے کہ امریکی انتظامیہ کی جنگ میں توسیع معاملے کو سفارتی سطح پر حل کرنے کوظاہرکرتی ہے، امریکی صدر سمجھتے ہیں کہ آبنائے ہرمز کی ناکہ بندی ایران پر دباؤ برقرار رکھےگی۔ صدر ٹرمپ کامانناہےکہ طویل ناکہ بندی عالمی معیشت کے لیے نقصان دہ ثابت ہو سکتی ہے۔

ذرائع کے مطابق ٹرمپ نے ایران کے ساتھ جنگ بندی میں توسیع کے لیے کوئی واضح ٹائم لائن مقرر نہیں کی۔