ٹرمپ نے سعودی عرب کیساتھ سول جوہری معاہدے کی منظوری دیدی: امریکی اخبار

امریکی صدر ڈونلڈ ٹرمپ نے سعودی عرب کے ساتھ سول جوہری معاہدے (Civil Nuclear Deal) کی حتمی منظوری دے دی ہے۔ امریکی اخبار Wall Street Journal کی رپورٹ کے مطابق اس تاریخی معاہدے کا مقصد دونوں ممالک کے درمیان پرامن ایٹمی توانائی کے شعبے میں طویل المدتی شراکت داری قائم کرنا ہے۔ معاہدے تحت امریکی کمپنیاں سعودی عرب میں سول جوہری منصوبوں کی تعمیر، تکنیکی معاونت، تربیت اور جدید ٹیکنالوجی کی فراہمی میں اہم کردار ادا کریں گی، جس سے سعودی عرب کو اپنے Vision 2030 کے تحت خام تیل پر انحصار کم کرنے اور توانائی کے ذرائع کو متنوع بنانے میں مدد ملے گی۔ یہ معاہدہ حتمی جائزے کے لیے امریکی کانگریس کے سامنے پیش کیا جائے گا۔ امریکی حکام کے مطابق اس تعاون میں بین الاقوامی ایٹمی ضوابط اور عدمِ پھیلاؤ کے تمام اصولوں کی مکمل پاسداری کی گئی ہے تاکہ پروگرام صرف پرامن مقاصد تک محدود رہے۔