جسٹن ٹروڈو اور کیٹی پیری کی جاپان میں سیرسپاٹوں کی تصاویر و ویڈیوز سوشل میڈیا پر وائرل

ٹوکیو: کینیڈا کے سابق وزیراعظم جسٹن ٹروڈو اور امریکی گلوکارہ کیٹی پیری کی جاپان میں سیر و تفریح کی تصاویر اور ویڈیوز سوشل میڈیا پر تیزی سے وائرل ہو رہی ہیں۔

کیٹی پیری نے انسٹاگرام پر اپنی جاپان ٹرپ کی تازہ تصاویر اور ویڈیوز شیئر کیں جن میں ٹروڈو بھی موجود ہیں۔ شیئر کی گئی ایک سیلفی میں دونوں مسکراتے ہوئے ایک ساتھ نظر آتے ہیں، جبکہ ایک ویڈیو میں دونوں جاپانی سوشی سے لطف اندوز ہو رہے ہیں۔

اگرچہ دونوں شخصیات نے اب تک اپنے تعلقات سے متعلق کسی قسم کا باضابطہ بیان نہیں دیا، تاہم متعدد بار ایک ساتھ دیکھی جانے کے بعد ان کے حوالے سے تعلقات کی افواہیں گزشتہ کئی ماہ سے گردش کر رہی ہیں۔

کچھ روز قبل ٹروڈو نے وہ تصویر بھی ری پوسٹ کی تھی جس میں وہ اور کیٹی پیری سابق جاپانی وزیراعظم فومیو کشیدا اور ان کی اہلیہ یوکو سے ملاقات کرتے نظر آئے۔ اس سے قبل کیٹی پیری کی 41ویں سالگرہ کے موقع پر پیرس میں لی گئی دونوں کی تصاویر بھی کافی وائرل ہوئی تھیں۔