ٹک ٹاکر عائشہ جٹ پر فائرنگ اور تشدد کیس، واقعے کی فوٹیج سامنے آ گئی

لاہور میں نواب ٹاؤن کے علاقے میں واقع ایک نجی کیفے میں ٹک ٹاکر عائشہ جٹ اور ان کے ساتھیوں پر مبینہ تشدد اور فائرنگ کے واقعے کی ویڈیو فوٹیج سامنے آ گئی ہے۔ پولیس کے مطابق واقعہ 25 جولائی کی صبح اس وقت پیش آیا جب عائشہ جٹ اپنی دوستوں کے ہمراہ کھانا کھانے کیفے گئی تھیں اور آرڈر دینے کے دوران دو خواتین اور دو مرد ملزمان نے ان پر تشدد کیا جبکہ فائرنگ بھی کی۔ متاثرہ ٹک ٹاکر کی مدعیت میں تھانہ نواب ٹاؤن میں تشدد، فائرنگ اور دھمکیوں کی دفعات کے تحت مقدمہ درج کر لیا گیا ہے، جس میں معروف یوٹیوبر رجب بٹ اور مہر شیبی کو بھی نامزد کیا گیا ہے۔ پولیس حکام کا کہنا ہے کہ منظر عام پر آنے والی سی سی ٹی وی فوٹیج کا جائزہ لے کر واقعے کی مختلف پہلوؤں سے تحقیقات کی جا رہی ہیں۔