امریکن ایمبیسی اسلام آباد کو بم دھماکے سے اڑانے کی دھمکی، ملزم گرفتار

اسلام آباد میں امریکی سفارت خانے کو ای میل کے ذریعے بم دھماکے کی دھمکی موصول ہونے پر حکام نے فوری اقدامات کر لیے۔ دھمکی آمیز ای میل موصول ہوتے ہی سفارت خانے نے متعلقہ حکام کو اطلاع دی، جس پر پولیس نے ای میل کے آئی پی ایڈریس کے ذریعے ملزم کا پتہ نکال لیا۔

پولیس کے مطابق ملزم کی شناخت رضا حسن کے نام سے ہوئی، جو آبپارہ کا رہائشی ہے۔ ابتدائی تحقیقات میں ملزم نے بتایا کہ اس نے ای میل صرف سفارت خانے کے حکام کو ڈرانے کے لیے بھیجی تھی اور کسی حقیقی دھماکے کا ارادہ نہیں تھا۔

ابتدائی تفتیش کے بعد پولیس نے ملزم کو این سی سی ایئ اے حکام کے حوالے کر دیا، جنہوں نے ملزم کے خلاف قانونی کارروائی شروع کر دی ہے۔