تھائی لینڈ نے کمبوڈیا سے جنگ بندی معاہدہ معطل کردیا

ٹرمپ کی ثالثی میں طے پانے والا امن معاہدہ خطرے میں پڑ گیا ہے۔ تھائی لینڈ نے بارودی سرنگ دھماکے میں اپنے 2 فوجیوں کے زخمی ہونے کے بعد کمبوڈیا کے ساتھ جنگ بندی معاہدے پر عملدرآمد معطل کر دیا۔

غیر ملکی میڈیا کے مطابق تھائی وزیراعظم انوتین چرنیوراکل نے کہا کہ امن معاہدہ اس وقت تک بحال نہیں کیا جائے گا جب تک کمبوڈیا تھائی لینڈ کے تحفظات دور نہیں کرتا۔
دوسری جانب کمبوڈیا کی حکومت کا کہنا ہے کہ وہ اب بھی معاہدے کی مکمل تعمیل چاہتی ہے۔

واضح رہے کہ گزشتہ ماہ ملائیشیا میں صدر ٹرمپ کی موجودگی میں دونوں ممالک کے درمیان امن معاہدہ طے پایا تھا، جس کے بعد دونوں نے ٹرمپ کو نوبیل انعام کے لیے نامزد بھی کیا تھا۔