امریکی ریاست ٹیکساس میں سوشل سٹڈیز کے متنازعہ تعلیمی نصاب کی منظوری، اسلام سے متعلق نصابی تبدیلیوں پر شدید تنقید

ہیوسٹن: امریکی ریاست ٹیکساس کے سٹیٹ بورڈ آف ایجوکیشن نے پبلک ہائی سکول کے طلبہ کے لیے سوشل سٹڈیز (سماجی علوم) کے نئے اور متنازعہ نصاب کی منظوری دے دی ہے، جس میں اسلام اور عیسائیت سے متعلق تاریخی اسباق میں نمایاں تبدیلیاں شامل ہیں۔

نئے منظور شدہ نصاب کے تحت ابتدائی اسلامی تاریخ اور فتوحات کو بیان کرنے کے لیے نصابی کتب میں لفظ ‘وحشیانہ’ (Brutal) کے استعمال کی منظوری دی گئی ہے، جبکہ 11 ستمبر کے دہشت گردانہ حملوں (9/11) کا ذمہ دار مخصوص دہشت گرد تنظیموں کے بجائے ‘ریڈیکل اسلام’ کو قرار دینے کا نصابی خاکہ بھی شامل کیا گیا ہے۔ اس کے علاوہ بورڈ نے مسلم رہنماؤں کی مثبت تاریخی خدمات اور شراکت کو نصاب میں شامل کرنے سے متعلق درجنوں شہریوں کی درخواستوں کو رد کر دیا۔

مسلم سول رائٹس تنظیم ‘کونسل آن امریکن اسلامک ریلیشنز’ (CAIR) کی نمائندہ سمیعہ رضوی نے ان تبدیلیوں پر شدید تشویش کا اظہار کرتے ہوئے کہا کہ نصاب میں وسیع اصطلاحات کا استعمال اسلام سے متعلق غلط فہمیاں پیدا کرے گا اور اسکولوں میں تاریخ کو نصابی گنجائش دینے کے بجائے تعصب کو فروغ ملے گا۔ ٹیکساس کے تعلیمی اداروں میں یہ نیا نصاب تعلیمی سال 31-2030ء سے مرحلہ وار نافذ کیا جائے گا۔