ہانگ کانگ رہائشی کمپلیکس میں خوفناک آتشزدگی، 55 افراد ہلاک، 280 لاپتا

ہانگ کانگ کے ایک رہائشی کمپلیکس میں لگی خوفناک آگ پر پندرہ گھنٹے کی جدوجہد کے بعد قابو پالیا گیا۔ حکام کے مطابق حادثے میں کم از کم پچپن افراد ہلاک ہوگئے، جبکہ اکتالیس زخمی تشویشناک حالت میں اسپتال میں زیرِ علاج ہیں۔

حکام کا کہنا ہے کہ آتشزدگی کے بعد دو سو اسی کے قریب افراد تاحال لاپتا ہیں، جن کی تلاش کا عمل جاری ہے۔ پولیس نے واقعے کے سلسلے میں تین مشتبہ افراد کو حراست میں لے لیا ہے، جبکہ آتشزدگی کی وجوہات جاننے کے لیے تحقیقات بھی جاری ہیں