شہادتوں کا خمیازہ دہشت گردوں کو بھگتنا ہو گا: طارق فضل چودھری

وفاقی وزیر ڈاکٹر طارق فضل چودھری نے قومی اسمبلی کو بریفنگ دیتے ہوئے کہا ہے کہ پاکستان نے دہائیوں تک لاکھوں افغان مہاجرین کی میزبانی کی، لیکن بدلے میں پاکستان کو خوں ریزی ملی۔ انہوں نے انکشاف کیا کہ جب سے افغانستان میں طالبان کی حکومت آئی ہے، پاکستان میں 8 ہزار سے زائد شہادتیں ہو چکی ہیں اور اسلام آباد، باجوڑ اور بنوں جیسے شہروں میں ہونے والی دہشت گردی کے تانے بانے براہِ راست افغانستان سے ملتے ہیں۔

انہوں نے اعلان کیا کہ دہشت گردوں کے خلاف سرحد پار آپریشن ان کے مکمل خاتمے تک جاری رہے گا اور پاکستان اب کسی بھی دراندازی کو برداشت نہیں کرے گا۔