افغان سر زمین سے پاکستان کیخلاف دہشتگردی ڈھکی چھپی نہیں: طارق فضل چودھری

وفاقی وزیر پارلیمانی امور طارق فضل چودھری نے کہا ہے کہ ایک منظم سازش کے تحت پاکستان کی ریاست کو نشانہ بنایا جا رہا ہے اور افغانستان کی سرزمین سے ہونے والی دہشت گردی اب کسی سے ڈھکی چھپی نہیں رہی۔ سوشل میڈیا پر اپنے بیان میں انہوں نے کہا کہ رمضان المبارک جیسے مقدس مہینے میں معصوموں کا خون بہانے والوں کا نہ اسلام سے تعلق ہے اور نہ ہی پختون روایات سے۔ انہوں نے واضح کیا کہ پاکستان کی خودمختاری کو چیلنج کرنے والی کسی بھی دراندازی کو برداشت نہیں کیا جائے گا اور ریاست اس کا جواب فولادی عزم اور قومی اتحاد سے دے گی۔