LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ

طلال چودھری نے خیبرپختونخوا اسمبلی کا مراعاتی بل مضحکہ خیز قرار دیدیا

Web Desk

8 July 2026

وفاقی وزیر مملکت برائے داخلہ طلال چودھری نے خیبرپختونخوا (کے پی) اسمبلی سے منظور ہونے والے حالیہ مراعاتی بل پر کڑی تنقید کرتے ہوئے اسے مضحکہ خیز قرار دیا ہے اور الزام عائد کیا ہے کہ پاکستان تحریک انصاف (پی ٹی آئی) نے اپنے ارکان کو سیاسی رشوت دی ہے۔

میڈیا سے گفتگو کرتے ہوئے طلال چودھری کا کہنا تھا کہ اس قانون سازی سے پی ٹی آئی کے دوہرے معیار کا واضح اظہار ہوتا ہے۔ انہوں نے کہا کہ ملک سے وی آئی پی (VIP) کلچر کے خاتمے کے دعوے کرنے والوں نے اپنے لیے مراعات کے انبار لگا لیے ہیں۔

وفاقی وزیر مملکت نے بل کی تفصیلات بتاتے ہوئے کہا کہ اس قانون کے ذریعے ارکانِ اسمبلی اور ان کی بیگمات کے لیے تاحیات بلیو پاسپورٹ، ٹول ٹیکس سے مستقل استثنا، سرکاری ریسٹ ہاؤسز میں بالکل مفت قیام اور ممنوعہ بور کے اسلحہ لائسنسوں کے اجرا سمیت مختلف غیر معمولی مراعات کی منظوری دی گئی ہے۔ انہوں نے دعویٰ کیا کہ پاکستان کی تاریخ میں ماضی میں کسی بھی صوبائی یا قومی اسمبلی نے ایسی خود غرضانہ قانون سازی نہیں کی۔

طلال چودھری نے پی ٹی آئی قیادت کو نشانہ بناتے ہوئے کہا کہ ان کے ایک رہنما ماضی میں سرکاری ہیلی کاپٹر کو موٹرسائیکل کی طرح استعمال کرتے رہے، جبکہ اقبال آفریدی اور ان کے بیٹے کی جانب سے بلیو پاسپورٹ کے غلط استعمال کے شواہد بھی موجود ہیں۔

سادگی اور احتساب کے حکومتی دعوؤں پر بات کرتے ہوئے انہوں نے بتایا کہ موجودہ وفاقی حکومت نے ممنوعہ بور کے اسلحہ لائسنسوں میں 85 فیصد، جبکہ غیر ممنوعہ اسلحہ لائسنسوں میں 60 سے 65 فیصد تک نمایاں کمی کی ہے۔ انہوں نے کہا کہ پی ٹی آئی صرف باتوں کی حد تک احتساب اور سادگی کا راگ الاپتی ہے، مگر اس کی عملی سیاست ہمیشہ ان کے دعوؤں کے برعکس نظر آتی ہے۔