LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن

فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی

Web Desk

18 November 2026

متحدہ عرب امارات کی فضائی کمپنی فلائی دبئی نے خطے کی موجودہ کشیدہ صورتحال کے پیش نظر سعودی عرب کے شہروں ریاض اور ابہا کے لیے اپنی پروازوں کی منسوخی میں 27 نومبر تک توسیع کر دی ہے، جبکہ دمام کے لیے فضائی آپریشن کو محدود شیڈول کے تحت بحال کر دیا گیا ہے۔

فلائی دبئی کے ترجمان کے مطابق علاقائی صورتحال کے باعث سعودی عرب کے لیے پروازوں کے معمول کے شیڈول میں مزید خلل پڑنے کا خدشہ ہے، جس کے پیش نظر ایئرلائن ریاض اور ابہا کے لیے اپنی تمام پروازیں 27 نومبر تک معطل رکھے گی، تاہم دمام کے لیے محدود تعداد میں پروازیں چلائی جائیں گی۔ ترجمان کا کہنا ہے کہ ایئرلائن کی انتظامیہ خطے کی صورتحال کا مسلسل اور باریک بینی سے جائزہ لے رہی ہے اور پروازوں کے شیڈول میں ہونے والی کسی بھی ممکنہ تبدیلی سے مسافروں کو سرکاری مواصلاتی ذرائع کے ذریعے فوری طور پر آگاہ کیا جائے گا۔

ایئرلائن نے تمام مسافروں کو خصوصی ہدایت جاری کی ہے کہ وہ ہوائی اڈے روانگی اور سفر سے قبل اپنی پروازوں کی تازہ ترین صورتحال باقاعدگی سے چیک کریں اور بکنگ میں اپنے رابطہ نمبرز کی تفصیلات اپ ڈیٹ رکھیں تاکہ انہیں بروقت اطلاعات موصول ہو سکیں۔

دوسری جانب ابوظہبی کی قومی فضائی کمپنی اتحاد ایئرویز نے بھی سعودی عرب کے شہروں ریاض اور دمام کے لیے اپنی مسافر اور کارگو پروازوں کی معطلی میں 30 نومبر تک توسیع کرنے کا اعلان کر دیا ہے۔ اتحاد ایئرویز کے مطابق ابوظہبی سے سعودی عرب کے دیگر شہروں کے لیے پروازیں فی الحال معمول کے مطابق جاری رہیں گی، تاہم علاقائی سلامتی کی صورتحال کے پیش نظر ان کے شیڈول میں بھی کسی بھی وقت تبدیلی کا امکان موجود ہے۔