کے پی حکومت نیشنل ایکشن پلان پر عملدرآمد نہیں کرنا چاہتی، حد سے زیادہ انتظار نہیں ہو سکتا: طلال چوہدری

حکومتی رہنما طلال چوہدری نے مسلم لیگ (ن) کا موقف پیش کرتے ہوئے کہا ہے کہ مذاکرات کے دوران تمام اہم نکات پر اتفاق ہو چکا تھا اور خیبرپختونخوا حکومت سے دہشت گردی کے خلاف تعاون کا تقاضا کیا گیا تھا، تاہم صوبائی حکومت نیشنل ایکشن پلان پر عملدرآمد کرنے میں سنجیدہ نہیں ہے۔ طلال چوہدری کا کہنا تھا کہ کے پی قیادت کے کہنے پر مذاکراتی ڈرافٹ کو بار بار تبدیل کیا گیا، لیکن ان کے رویے سے نہ صرف حکومتی کمیٹی بلکہ ان کی اپنی مذاکراتی ٹیم بھی شدید مایوس ہوئی ہے۔

انہوں نے مزید کہا کہ دہشت گردی کے باعث وہاں قیمتی جانوں کا نقصان ہو رہا ہے اور حد سے زیادہ انتظار نہیں کیا جا سکتا۔ آئین میں کئی آپشنز موجود ہیں اور اب جو بھی اقدام اٹھایا جائے گا وہ آئین و قانون کے عین مطابق ہوگا