بلاول بھٹو دل بڑا کریں، لیڈر شکست پر روتے اچھے نہیں لگتے: طلال چودھری

وزیرِ مملکت برائے داخلہ طلال چوہدری نے آزاد کشمیر انتخابات کے نتائج پر چیئرمین پی پی پی بلاول بھٹو زرداری کے ردِعمل پر تنقید کرتے ہوئے کہا ہے کہ پولیٹیکل لیڈروں کو شکست تسلیم کرتے ہوئے دل بڑا کرنا چاہیے کیونکہ وہ ہار پر روتے ہوئے اچھے نہیں لگتے۔ انہوں نے یہ بات پونچھ ڈویژن کے حوالے سے ن لیگ کے انتخابی جائزہ اجلاس کی صدارت کرتے ہوئے کہی، جس میں مسلم لیگ (ن) کے نامزد امیدواروں نے شرکت کی اور انتخابی مہم، تنظیمی امور اور پولنگ ڈے کی حکمتِ عملی پر غور کیا۔ طلال چوہدری کا کہنا تھا کہ آزاد کشمیر انتخابات کے ابتدائی دو مراحل میں ن لیگ کی کامیابی وفاقی اور پنجاب حکومت کی بہترین کارکردگی پر کشمیری عوام کے بھرپور اعتماد کا ثبوت ہے اور کشمیریوں نے محض نعروں کے بجائے کام اور ترقی کو ووٹ دیا ہے، کیونکہ آج پاکستان کا ہر علاقہ پنجاب طرز کی ترقی چاہتا ہ