حرمین شریفین کے تحفظ کے لیے پوری امت مسلمہ متحد ہے: علامہ طاہر اشرفی

پاکستان علما کونسل کے چیئرمین علامہ طاہر اشرفی نے کہا ہے کہ حرمین شریفین کا تحفظ اور پاسبانی پوری امتِ مسلمہ کا ایمانی فریضہ ہے، اور سعودی عرب کے دفاع کے لیے اگر کوئی باقاعدہ معاہدہ نہ بھی ہوتا تو پاکستان ہمیشہ کی طرح آگے بڑھ کر لبیک کہتا۔

وفاقی دارالحکومت اسلام آباد میں منعقدہ تعظیمِ حرمین کانفرنس سے خطاب کرتے ہوئے علامہ طاہر اشرفی نے کہا کہ ہم امتِ مسلمہ کے باہمی اتحاد، یکجہتی اور بین المسلمین ہم آہنگی کے داعی ہیں۔ انہوں نے کہا کہ اسلامی ممالک کو درپیش درپیش معاشی و جیو پولیٹیکل چیلنجز کا مقابلہ مشترکہ حکمتِ عملی کے ذریعے کرنا ہوگا، اور اس مقصد کے لیے مسلم امہ کا اتحاد وقت کی اہم ترین ضرورت ہے۔

سعودی عرب کی جانب حوثی ملیشیا کی جانب سے داغے گئے میزائلوں اور ڈرون حملوں پر گفتگو کرتے ہوئے انہوں نے کہا کہ مقدسات اور سعودی سرزمین کی سلامتی کے معاملے پر کسی قسم کی نرمی یا رعایت کی گنجائش نہیں۔ علامہ طاہر اشرفی نے ایرانی صدر کے حالیہ مثبت بیان کا خیرمقدم کرتے ہوئے اس عزم کا اعادہ کیا کہ حرمین شریفین کے تحفظ اور مسلم ممالک میں استحکام کے لیے پاکستان علما کونسل اپنی کوششیں جاری رکھے گی۔