بلوچستان میں امن و امان تسلی بخش، ملکی سلامتی ہر چیز سے مقدم ہے: علامہ طاہر اشرفی

قومی پیغام امن کمیٹی کے اراکین کے ہمراہ نیوز کانفرنس کرتے ہوئے علامہ طاہر اشرفی نے کہا کہ پاکستان کی سلامتی پر کوئی سمجھوتہ نہیں کیا جائے گا۔ انہوں نے کہا کہ پاک افواج ‘فتنہ الہندوستان’ اور ‘فتنہ الخوارج’ کا دلیری سے مقابلہ کر رہی ہیں اور پوری قوم ان کے پیچھے کھڑی ہے۔

طاہر اشرفی نے انکشاف کیا کہ افغانستان کو ان کی سرزمین سے ہونے والی دہشت گردی کے تمام شواہد فراہم کر دیے گئے ہیں۔ انہوں نے افغان سرحد پر دفاعِ وطن کی خاطر لڑی جانے والی جنگ کو ‘جہاد’ قرار دیتے ہوئے کہا کہ دہشت گرد کا نہ کوئی مذہب ہوتا ہے اور نہ ہی کوئی مسلک۔