آئی سی سی ٹی 20 ورلڈ کپ ٹرافی ٹور کا آغاز، ایڈم برج سے سفر کا آغاز

 آئندہ سال بھارت اور سری لنکا میں منعقد ہونے والے آئی سی سی ٹی 20 ورلڈ کپ کی ٹرافی کا بین الاقوامی ٹور باضابطہ طور پر شروع ہو گیا ہے۔ اس یادگار ٹور کا آغاز بھارت اور سری لنکا کو جغرافیائی طور پر ملانے والے تاریخی ایڈم برج کے مقام سے کیا گیا۔

یہ ٹرافی اپنے عالمی سفر کے دوران کل (جمعرات) کو عمان میں نمائش کے لیے پیش کی جائے گی، جہاں اسے مسقط کے ایوینیو مال اور امارات کرکٹ اکیڈمی میں رکھا جائے گا۔ عمان کے بعد یہ ٹرافی سری لنکا میں بھی نمائش کیلئے پیش کی جائے گی، جو کہ ٹورنامنٹ کا مشترکہ میزبان ہے۔

ٹرافی کے اس عالمی دورے میں عمان، قطر، نیپال، بحرین اور منگولیا جیسے کرکٹ کے فروغ پذیر ممالک بھی شامل ہیں۔

واضح رہے کہ آئی سی سی ٹی 20 ورلڈ کپ اگلے سال 7 فروری سے 8 مارچ کے درمیان بھارت اور سری لنکا کی مشترکہ میزبانی میں کھیلا جائے گا۔