شام کے وزیر خارجہ کا پاکستان کا تاریخی دورہ، دوطرفہ تعلقات میں نئے باب کا آغاز

علاقائی اور عالمی ممالک کی جانب سے پاکستان کے ساتھ سیاسی، معاشی اور سیکیورٹی شعبوں میں تعاون بڑھانے کے لیے گہری دلچسپی ظاہر کی جا رہی ہے۔ شامی خبر رساں ادارے سریا عرب نیوز ایجنسی کے مطابق شام کے وزیرِ خارجہ اسعد حسن الشیبانی کا 19 سال بعد پاکستان کا اہم اور پہلا تاریخی دورہ مکمل ہو گیا ہے۔ دورے کے دوران شامی وزیرِ خارجہ نے وزیراعظم شہباز شریف، نائب وزیراعظم اسحاق ڈار اور فیلڈ مارشل سید عاصم منیر سمیت دیگر اعلیٰ حکام سے ملاقاتیں کیں۔ ملاقاتوں میں دونوں ممالک کے درمیان دوطرفہ تعلقات، تجارتی و عوامی روابط بڑھانے کے لیے براہِ راست پروازوں کی بحالی اور سرمایہ کاری فورم کے انعقاد پر تبادلہ خیال کیا گیا۔ پاکستان نے شام کی خودمختاری، علاقائی سالمیت اور مقبوضہ گولان پر دمشق کے مؤقف کی حمایت کے اعادہ کے ساتھ ادلب میں اسرائیلی حملوں کی شدید مذمت کی، جبکہ شامی وفد نے “مکہ مشترکہ دفاعی معاہدے” اور خطے میں امن و استحکام کے لیے پاکستان کے کلیدی کردار کی تعریف کی۔