شام میں دمشق اور حمص کو ملانے والی شاہراہ پر ڈرون حملہ، 3 افراد ہلاک

شام میں دارالحکومت دمشق اور شہرِ حمص کو آپس میں ملانے والی مرکزی شاہراہ پر قسطل کے علاقے میں ایک ڈرون حملے کے نتیجے میں تین افراد ہلاک ہو گئے ہیں۔

فرانسیسی خبر رساں ادارے ’اے ایف پی‘ کے مطابق اس حملے کے دوران ایک گاڑی کو نشانہ بنایا گیا۔ شامی وزارتِ دفاع نے حملے میں ہلاک ہونے والوں میں القاعدہ سے وابستہ ایک منحرف تنظیم کے کمانڈر ابو عبدالرحمٰن کی ہلاکت کی باضابطہ تصدیق کر دی ہے، جب کہ دیگر دو جاں بحق ہونے والے افراد کی شناخت تاحال ظاہر نہیں کی گئی۔ حکام کی جانب سے واقعے کی تحقیقات کا آغاز کر دیا گیا ہے، تاہم اس حملے میں استعمال ہونے والے ڈرون کے اصل منبع اور اس کے ذمہ داروں کے بارے میں فوری طور پر کوئی مصدقہ معلومات سامنے نہیں آ سکی ہیں۔