سویڈن میں بائیں بازو کی اپوزیشن نے حکمران اتحاد کو شکست دیدی

سویڈن کے سنسنی خیز پارلیمانی انتخابات میں بائیں بازو کی اپوزیشن نے حکمران دائیں بازو کے اتحاد کو انتہائی باریک فرق سے شکست دے دی ہے۔ 99 فیصد ووٹوں کی گنتی مکمل ہونے کے بعد میگڈالینا اینڈرسن (Magdalena Andersson) کی قیادت میں اپوزیشن اتحاد 349 کے ایوان میں 175 نشستیں حاصل کر کے پہلی پوزیشن پر آ گیا ہے، جس سے ملک میں حکومت کی تبدیلی کے امکانات روشن ہو گئے ہیں۔

دوسری جانب موجودہ وزیراعظم الف کرسٹرسن (Ulf Kristersson) کی قیادت میں قائم دائیں بازو کا حکمران اتحاد صرف 174 نشستیں حاصل کر سکا ہے اور اپوزیشن سے محض ایک نشست پیچھے رہ گیا ہے۔ اطلاعات کے مطابق دونوں بڑے سیاسی بلاکس کے درمیان مجموعی طور پر صرف 26 ہزار 169 ووٹوں کا معمولی فرق ریکارڈ کیا گیا ہے۔ حکومتی اتحاد میں روایتی دائیں بازو کی جماعتوں کے ساتھ ساتھ سخت گیر موقف رکھنے والی پارٹی ‘سویڈن ڈیموکریٹس’ بھی شامل تھی۔ حتمی سرکاری نتائج کے بعد اپوزیشن کی جانب سے نئی حکومت کی تشکیل کے لیے باقاعدہ عمل کا آغاز کیا جائے گا۔