سوات : جھیل میں ویڈیو بناتے ہوئے سیاحوں کی گاڑی پھنس گئی

خیبر پختونخوا کے خوبصورت سیاحتی مقام سوات کی نصراللہ جھیل میں ویڈیو بنانے کی کوشش کے دوران سیاحوں کی ایک گاڑی بیچ جھیل میں پھنس گئی۔

واقعے کی اطلاع ملتے ہی ریسکیو عملے نے فوری کارروائی کرتے ہوئے گاڑی میں سوار تینوں سیاحوں کو بحفاظت نکال لیا۔ اسسٹنٹ کمشنر بحرین کے مطابق، جھیل کے ممنوعہ اور خطرناک مقام پر گاڑی لے جانے اور غفلت برتنے پر تینوں سیاحوں کو حراست میں لیا گیا تھا، جنہیں بعد ازاں قانونی جرمانے کی ادائیگی کے بعد رہا کر دیا گیا ہے۔

دوسری جانب، سوات ہی میں پیش آنے والے ایک اور افسوسناک کشتی حادثے میں لاپتہ ہونے والی لڑکی کی تلاش کے لیے سرچ آپریشن پانچویں روز میں داخل ہو گیا ہے۔ ریسکیو ٹیمیں لاپتہ لڑکی کو تلاش کرنے کے لیے مسلسل امدادی کارروائیوں میں مصروف ہیں۔