سوات اور گردونواح میں زلزلے کے جھٹکے، شدت 4.4 ریکارڈ

خیبر پختونخوا کے پرفضا سیاحتی مقام سوات اور اس کے گردونواح میں زلزلے کے شدید جھٹکے محسوس کیے گئے ہیں، جس کے نتیجے میں شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر کھلے میدانوں میں نکل آئے۔

زلزلہ پیما مرکز اسلام آباد کے مطابق سوات اور اس کے آس پاس کے علاقوں میں زمین لرز اٹھی۔ زلزلے کی ریکٹر اسکیل پر شدت 4.4 ریکارڈ کی گئی ہے، جبکہ اس کی زیرِ زمین گہرائی 105 کلومیٹر گہرائی میں تھی۔ زلزلے کا مرکز ہمیشہ کی طرح کوہِ ہندوکش کا حساس پہاڑی سلسلہ قرار دیا گیا ہے۔ زلزلے کے فورا بعد متعلقہ حکام نے تصدیق کی ہے کہ فی الحال کسی بھی جانی یا مالی نقصان کی کوئی اطلاع موصول نہیں ہوئی، تاہم ضلعی انتظامیہ صورتحال کا جائزہ لے رہی ہے۔