صوابی: پولیس موبائل گاڑی حادثے کا شکار، ایک اہلکار جاں بحق

خیبر پختونخوا کے ضلع صوابی میں موٹر وے پر پولیس کی موبائل گاڑی کو پیش آنے والے ایک ٹریفک حادثے میں ایک پولیس اہلکار جاں بحق جبکہ 4 زخمی ہو گئے۔ ترجمان ریسکیو کے مطابق یہ افسوسناک حادثہ موٹر وے پر کرنل شیر خان انٹرچینج کے قریب پیش آیا، جہاں پولیس موبائل گاڑی توازن برقرار نہ رکھ پانے کے باعث حادثے کا شکار ہو گئی۔

ریسکیو ذرائع نے بتایا کہ حادثے کی اطلاع ملتے ہی امدادی ٹیمیں فوری طور پر جائے وقوعہ پر پہنچیں اور تمام پانچوں زخمیوں کو فوری طبی امداد کے لیے مردان اسپتال منتقل کیا۔ تاہم، اسپتال میں علاج کے دوران ایک پولیس اہلکار زخموں کی تاب نہ لاتے ہوئے دم توڑ گیا جبکہ دیگر 4 زخمی اہلکاروں کا علاج جاری ہے