متوفی ملازمین کے کوٹے پر ورثا کو ملازمت دینے کا فیصلہ برقرار
Web Desk
1 January 2026
سپریم کورٹ نے متوفی سرکاری ملازمین کے کوٹے پر بچوں اور ورثا کو ملازمت دینے کا فیصلہ برقرار رکھتے ہوئے سندھ حکومت کی اپیلیں خارج کر دیں۔
جسٹس محمد علی مظہر کی سربراہی میں تین رکنی بینچ نے متفقہ فیصلہ سنایا۔ عدالت نے کہا کہ سندھ سول سرونٹس قانون کا رول 11-A ایک فلاحی اور مفید قانون ہے، جس کا مقصد دوران ملازمت وفات پانے والے، معذور یا نااہل سرکاری ملازمین کے خاندانوں کو سہارا دینا ہے۔
عدالت نے تاکید کی کہ ایسے فلاحی قوانین کی تشریح ہمیشہ وسیع مقاصد اور ہمدردانہ انداز میں کی جانی چاہیے تاکہ مستحق افراد کو فائدہ پہنچ سکے۔ اگر کسی ملازم کی وفات کے وقت اس کے بچے نابالغ ہوں اور بیوہ کو ملازمت نہ دی گئی ہو، تو بچوں کے بالغ ہونے پر درخواست دینے کے حق کو ختم نہیں کیا جا سکتا۔
سپریم کورٹ نے جنرل پوسٹ آفس اسلام آباد کیس کا حکم کالعدم قرار دیا، تاہم اس کا اطلاق صرف آئندہ کے لیے ہوگا اور ماضی کے معاملات پر نہیں ہوگا۔
اس کے علاوہ، جسٹس ہاشم کاکڑ کے بنچ نے منشیات کے مقدمے میں فیصلہ دیتے ہوئے کہا کہ وفاقی قانون کی موجودگی میں صوبائی قانون کے تحت زیادہ سخت سزا دینا آئین کے آرٹیکل 143-A کے خلاف ہے۔ درخواست گزار ساجد خان کے خلاف ایف آئی آر وفاقی قانون کے تحت درج تھی، لیکن ٹرائل اور اپیلٹ کورٹ نے خیبر پختونخوا کے قانون کے تحت سخت سزا سنائی۔ سپریم کورٹ نے صوبائی سزا کالعدم کرتے ہوئے ساجد خان کو وفاقی قانون کے تحت پانچ سال قید بامشقت اور ایک لاکھ روپے جرمانے کی سزا سنائی۔
عدالت نے نابالغ لڑکے کے قتل کے مقدمے میں ملزم کی عمر قید میں نرمی کرتے ہوئے 20 سال قید بامشقت میں تبدیل کر دی۔ عدالت کے مطابق واقعہ اچانک جھگڑے کے دوران پیش آیا اور پیشگی منصوبہ بندی ثابت نہیں ہوئی۔ مقتول کے ورثا کو دی جانے والی تین لاکھ روپے کی دیت اور جرمانہ ادا نہ کرنے کی صورت میں سزا برقرار رہے گی۔ یہ واقعہ 7 اپریل 2012 کو چشتیاں میں پیش آیا تھا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026