LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

عمران خان کی آنکھوں کا معائنہ اور بچوں سے ملاقات 16 فروری سے پہلے یقینی بنائی جائے،سپریم کورٹ کا حکم

Web Desk

12 February 2026

سپریم کورٹ آف پاکستان نے بانی پی ٹی آئی عمران خان کی صحت سے متعلق کیس میں اہم حکم جاری کرتے ہوئے ہدایت کی ہے کہ انہیں 16 فروری سے قبل ماہر آنکھوں کے ڈاکٹروں تک رسائی اور بچوں سے ٹیلیفونک رابطے کی سہولت فراہم کی جائے۔

چیف جسٹس پاکستان جسٹس یحییٰ آفریدی اور جسٹس شاہد بلال حسن پر مشتمل دو رکنی بینچ نے کیس کی سماعت کی۔ سماعت کے دوران وزیر اعلیٰ خیبرپختونخوا سہیل آفریدی اور فرینڈ آف دی کورٹ بیرسٹر سلمان صفدر بھی عدالت میں موجود تھے۔

چیف جسٹس نے اٹارنی جنرل منصور عثمان اعوان کو روسٹرم پر طلب کرتے ہوئے کہا کہ فرینڈ آف دی کورٹ اور جیل سپرنٹنڈنٹ کی رپورٹس میں مماثلت ہے۔ عدالت میں پیش کی گئی رپورٹ کے مطابق بانی پی ٹی آئی نے جیل میں سیکیورٹی اور دستیاب خوراک پر اطمینان کا اظہار کیا تاہم طبی سہولیات کو غیر تسلی بخش قرار دیتے ہوئے ماہر امراض چشم تک رسائی کی درخواست کی۔

چیف جسٹس نے ریمارکس دیے کہ بانی پی ٹی آئی ریاست کی تحویل میں ہیں اور انہیں دیگر قیدیوں کی طرح یکساں طبی سہولیات ملنی چاہئیں۔ انہوں نے واضح کیا کہ عدالت کسی بھی قیدی کو نمایاں یا خصوصی سہولیات دینے کا حکم نہیں دے گی بلکہ سب کے ساتھ یکساں سلوک ہونا چاہیے۔

اٹارنی جنرل نے یقین دہانی کرائی کہ ماہر آنکھوں کے ڈاکٹروں تک رسائی اور بچوں سے ٹیلیفونک رابطے کی سہولت دو سے تین روز میں فراہم کر دی جائے گی۔ عدالت نے اس یقین دہانی کو حکم نامے کا حصہ بناتے ہوئے 16 فروری سے پہلے اقدامات مکمل کرنے کی ہدایت کر دی۔

عدالت نے ذاتی معالجین تک رسائی کی اجازت دی تاہم کسی فیملی ممبر کی موجودگی میں معائنے کی استدعا مسترد کر دی۔ مزید کتابوں کی فراہمی سے متعلق عدالت نے قرار دیا کہ ڈاکٹرز کی اجازت سے ہی یہ سہولت دی جائے۔