LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

سپریم کورٹ میں ایمان مزاری اور ہادی چٹھہ کی سزا معطلی کی اپیلوں پر سماعت

Web Desk

20 August 2026

اسلام آباد: سپریم کورٹ آف پاکستان میں ایمان مزاری اور ان کے شوہر ہادی علی چٹھہ کی سزا معطلی سے متعلق دائر اپیلوں پر اہم سماعت ہوئی، جس کے دوران عدالتِ عظمیٰ نے اسلام آباد ہائیکورٹ میں کیسز مقرر کرنے کے طریقہ کار اور تاخیر پر اہم ریمارکس دیے۔

سماعت کے دوران جسٹس نعیم اختر افغان نے ایڈیشنل اٹارنی جنرل سے استفسار کیا کہ اسلام آباد ہائیکورٹ میں چھٹیاں کب تک ہیں؟ جس پر ایڈیشنل اٹارنی جنرل نے بتایا کہ ہائیکورٹ 6 ستمبر سے باضابطہ کام کا آغاز کرے گی۔ ایڈیشنل اٹارنی جنرل نے موقف اختیار کیا کہ سزا معطلی کی اپیلیں فی الوقت قابلِ سماعت نہیں ہیں اور ہائیکورٹ کا اپنا ایک سسٹم ہے جس کے تحت مقدمات مقرر کیے جاتے ہیں۔ اس پر جسٹس اشتیاق ابراہیم نے پوچھ لیا کہ “ناقابلِ سماعت ہونے کا قانون میں کہاں لکھا ہوا ہے؟” جبکہ جسٹس نعیم اختر افغان نے برہمی و طنز کے انداز میں کہا کہ “اسلام آباد ہائی کورٹ کے سسٹم پر ہم سے کوئی رائے نہ ہی لیں تو بہتر ہے۔”

درخواست گزاران کے وکیل فیصل صدیقی نے عدالت کو بتایا کہ سپریم کورٹ نے دو ہفتے کے اندر سزا معطلی پر فیصلے کا حکم دیا تھا لیکن اس پر عملدرآمد نہیں کیا گیا۔ انہوں نے نشاندہی کی کہ جب بھی سپریم کورٹ اس معاملے پر فیصلہ کرنے لگتی ہے، ہائیکورٹ میں اچانک کیس کی تاریخ مل جاتی ہے اور اب کیس 8 ستمبر کے لیے مقرر کر دیا گیا ہے۔ وکیل نے خدشہ ظاہر کیا کہ ابھی کاز لسٹ نہیں آئی اور ایسا نہ ہو کہ سسٹم سے کیس ہی غائب ہو جائے۔ اس پر جسٹس نعیم اختر افغان نے مسکراتے ہوئے تاریخی جملہ ادا کیا کہ “فیصل صدیقی صاحب! سسٹم کو پورا ایکسپوز ہونے دیں… سسٹم سے کیس غائب ہو سکتا ہے، ہم نہیں۔ پریشان نہ ہوں، ہم یہاں موجود ہیں اور بشرطِ زندگی آئندہ بھی ہوں گے۔”

جسٹس اشتیاق ابراہیم نے واضح کیا کہ سپریم کورٹ نے ہائیکورٹ کو سزا معطلی پر فیصلہ کرنے کا کہا تھا، عدالت اپیل خارج بھی کر سکتی ہے۔ جسٹس نعیم اختر افغان نے ریمارکس دیے کہ “آئندہ سماعت پر یا تو ہم فیصلہ کر رہے ہوں گے یا درخواست گزار کیس واپس لے رہے ہوں گے۔” جس کے بعد عدالتِ عظمیٰ نے کیس کی مزید سماعت 17 ستمبر تک ملتوی کر دی۔