عالمی مسائل کے حل کیلئے کثیرالجہتی نظام اور اقوام متحدہ کا کردار مزید اہم ہو گیا: اسحاق ڈار

نائب وزیراعظم اور وزیر خارجہ اسحاق ڈار نے اسلام آباد میں فارن سروسز اکیڈمی کی تقریب سے خطاب کرتے ہوئے کہا ہے کہ دنیا کے نظام اور طاقت کے توازن میں نمایاں تبدیلیاں رونما ہو رہی ہیں، ایسے میں عالمی مسائل کے حل کے لیے کثیرالجہتی نظام اور اقوام متحدہ کا کردار مزید اہم ہو گیا ہے۔ انہوں نے کہا کہ جیوپولیٹکس کے موضوع پر بات کرنے کے لیے اقوام متحدہ کے سیکرٹری جنرل سے بہتر کوئی اور شخصیت نہیں ہو سکتی۔ اسحاق ڈار کا مزید کہنا تھا کہ بدلتے ہوئے عالمی حالات کے تناظر میں سفارت کاری اور بین الاقوامی تعاون کی اہمیت میں اضافہ ہوا ہے، اور تمام تر مشکلات اور تنقید کے باوجود اقوام متحدہ عالمی تنازعات کے پرامن حل کے لیے اپنا کلیدی کردار مسلسل ادا کر رہا ہے۔