سپریم کورٹ کا دہشت گردی کے مقدمے میں نامزد ملزمان کو بری کرنے کا حکم
Web Desk
17 March 2026
سپریم کورٹ آف پاکستان نے سپریم کورٹ آف پاکستان میں قتل اور دہشت گردی کے مقدمے میں نامزد تمام ملزمان کو بری کر دیا ہے۔ جسٹس اشتیاق ابراہیم نے اپیلوں پر تحریری فیصلہ جاری کیا۔
عدالتِ عظمیٰ نے ٹرائل کورٹ اور ہائی کورٹ کے سزائے موت کے فیصلے کو کالعدم قرار دیتے ہوئے کہا کہ ملزمان کو شک کا فائدہ دیتے ہوئے فوری رہا کیا جائے۔ فیصلے میں کہا گیا کہ ملزمان ایف آئی آر میں نامزد نہیں تھے، اور ان کی شناخت کا عمل مشکوک تھا۔
سپریم کورٹ نے تحریری فیصلے میں مزید لکھا کہ موقع پر موجود گواہان کے باوجود اتنے بڑے حملے میں کسی خراش کا نہ ہونا غیر فطری ہے، اور ملزمان کی مشترکہ شناخت پریڈ قانونی طور پر ناقابلِ قبول ہے، کیونکہ شناخت پریڈ سے پہلے ہی ملزمان کی شناخت پولیس پر ظاہر ہو چکی تھی۔
فیصلے میں بتایا گیا کہ پولیس کے مطابق ملزمان نے ایک سابقہ کیس میں پنڈی گھیب واقعے کا اعتراف کیا تھا، جس میں وہ پہلے ہی بری ہو چکے ہیں، اس لیے یہ اعتراف قانونی حیثیت کھو چکا ہے۔ استغاثہ ملزمان کے خلاف ٹھوس اور آزادانہ شہادتیں پیش کرنے میں ناکام رہا۔
واضح رہے کہ واقعہ 1 مئی 2011 کو پنڈی گھیب میں پیش آیا تھا، جس میں پولیس اہلکاروں پر فائرنگ کی گئی تھی اور سب انسپکٹر محمد رمضان سمیت چھ پولیس اہلکار جاں بحق ہوئے تھے۔ ملزمان پر آئل ٹینکرز کو آگ لگانے اور سرکاری اسلحہ چھیننے کا بھی الزام تھا، جس پر ٹرائل کورٹ نے 6،6 بار سزائے موت اور عمر قید کی سزائیں سنائی تھیں، اور ہائی کورٹ نے ان سزاؤں کو برقرار رکھا تھا۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026